عربية الفول

كنت فى غاية الجوع وشعرت بأقطاب بطنى يعتصر بعضها بعضا وتنعق كما تنعق الغربان...ذلك عندما لمحته من بعيد واقفا بعربته الخضراء المميزة...بدأت أقترب منه فى عجل تحدونى ناحيته عاطفة الجوع السامية...وأثناء أقترابي لمحته يتناول شيئا من الأرض ويضعه فى جردل اسفل العربه...وقع فى روعى أنها قد تكون لقمة عيش أو قطعة مخلل وأن هذا الجردل ما هو إلا جردل للقمامة وبواقى الطعام...وصلت إلى العربة وأنا أمنى نفسي بأكله تقيم عودى وتصلب طولى وتنعش أحاسيسى طيلة اليوم.
((أتفضل يا باشا...صباحك زى الورد..طلباتك))
أحببت التأكد من نظافة الأطباق التى سأكل فيها.
- ( أزيك يا حاج ..إية أخبار التعين عندك )
- لا يا باشا أنا معنديش غير فول.
كان من الواضح لن يفهم معنى كلمة التعين فآثرت السلامة وقلت أخد سندوتشات أحسن.




- أدينى 3 أنصص يا حاج.
أحذ فى أعداد السندوتشات وأنا أراقبة فى حيطة وحذر حتى أتأكد من سلامة الطعام وخلوه من الحشرات الطائرة والزاحفة والبرمائية..وعندما فرغ من أعداد السندوتشات فوجئت به ينحنى فى حركة مباغته أسفل العربة ناحية الجردل إياه بتاع الزبالة وكشف الغطاء فى ثقة لأفاجأ بالطامة الكبرى .......
ذلك أنه لم يكن إلا جردل المخلل..يا نهار أسود..جردل المخلل..يعنى اللى لمه من على الأرض وحطه فى الجردل كان مخلل..طب لو قلتله مش عايز مخلل أيش ضمنى أنه مبيعملش كدة فى الفول..
مد يده ناحيتى بكيس السندوتشات فى ود ووجهه تعلوه أبتسامة بشعه.. فكرت أن أعتذر له فى لباقه..لكن تلك الندبة العميقة فى وجهه جعلتنى أتراجع عن تلك الفكرة بسرعة وآخذ السندوتشات فى هدوء وأنا أسمعه وهو يقول بالهنا والشفا يا باشا.
أخذت أتمتم بكل ألفاظ السباب – بيني وبين نفسي طبعا – بالهنا والشفا أية الله يخرب بيتك..
أستحرمت أرمى السندوتشات فأعطيتها لأول زميل قابلته ولكنى للأمانة العلمية حكيت له ما حدث..لكن الغريب أنه أكلها بمنتهى البساطة واللامبالاه..وهو يتحدث بفم ممتلئ بالطعام..( يا صاحبي لو حتبقى إنف كدة يبقى مش حتاكل لقمة بره البيت..أنت أتبع القواعد الذهبية لأكل الفول والطعمية وأتوكل على خالق البرية..وأخذ يتلوها عليّ:
1- أبدأ بسم الله الذي لا يضر مع أسمه شئ في الأرض ولا في السماء.




2- حاول أن تفصل بين كل سندوتش بفحل بصل لأنه يساعد على قتل الميكروبات.
3- لا تقضم قطعة قطعة – أنت مش بتاكل عند أبو شقرة – ألتهم السندوتش على مرة أو مرتين للتقليل من أنتشار الميكروبات.
4 – لا تتناول جرعة أكتر من المسموح بها دوليا وهى رغيف ونصف بلدى فى اليوم.
5 – حاول أن تتناول زجاجة شويبس صودا عقب السندوتشات مباشرة للتقليل من الحموضة والغازات والأنتفاخ.
6- أرزع واحد شاي كوبيا حبر لمنع آثار التتنيح والبلا التى ستصاب بها بعد الفول.
7 – لا تأكل هذه السندوتشات إلا وأنت متأكد تماما من توافر حمام قريب منك ويكون مية ونور لأنك أحتمال تبقى ( وانط تو بيبي ).

انتي افوليه هههههههههههههههههههههههههههههه

مابحب فول مطاعم بحبها ع الطبخ

معناه ثقافتك اجنبيه اسبانيا

وخاين للعروبه والعرب

موهيك يوسف

اختنا الغالية

اولا انا سعيد بتواضعك وزيارتك صفحتنا المتواضعة

انتى الى منورة الدنيا ودائما ترفعين من قدرنا

يلا بالهنا والشفى لصاحبنا

اختنا الغالية بعدك نار

اولا انا سعيد بتواضعك وزيارتك صفحتنا المتواضعة

انتى الى منورة الدنيا ودائما ترفعين من قدرنا

يلا بالهنا والشفى لصاحبنا

اشكرك اختى الفاضلة عاشقة البحر مرورك الطيب

هية المشكلة انى شفتة بعينى

لو كنت اكلت كنت ولا بلاش

انتى عارفة الباقى

هههههههههههههه

اشكرك جلجلة على المرور

خلاص انا بعمل ليكى دعوة خاصة وعازمك عند عم اسماعيل

بتاع الفول بس انا مش مسؤول

اسبانيا منور ومنورة اسبانيا بيك

اشكرك على طلتك على صفحتنا المتواضعة

جلجله كتب:

معناه ثقافتك اجنبيه اسبانيا

وخاين للعروبه والعرب

موهيك يوسف

لكان ع شو اسمي اسباني

مو خاين بالمعنى القوى

بس لازم تشجيع

صنع بلادى

ههههههههههههههههههههههههههه