مُنْتَدَيات طُلابْ الجَامِعاتْ الأردُنِية

منتديات خاصة بطلبة الجامعات الأردنية كافةً
 
الرئيسيةالبوابةمكتبة الصورس .و .جالتسجيلدخول

شاطر | 
 

 بنات جامعات الاردن اولا

اذهب الى الأسفل 
كاتب الموضوعرسالة
معذب قلوب العذارى
طالب مستجد
طالب مستجد
avatar

عدد الرسائل : 6
مكان الإقامة : السعوديه
تاريخ التسجيل : 08/07/2008

مُساهمةموضوع: بنات جامعات الاردن اولا   الثلاثاء 18 نوفمبر 2008 - 17:09

مزايا صبايا جامعات الأردن:
1. أنا و ماما زي الصاحبات،
دايماً بحكيلها كل شي.
(ماما بتعرف عنك كل شي
شغل عرط و بس طبعا").
2. كلهم شقر
و عينيهم‎ ‎لينسيز ملونة.
(يخزي العين
تقول هاي رجعتهم من السويد
بتسألها بتحكيلك شو لينسيز؟
هدول عيوني الحئيئيين).
3. كلهم ببعتولك المسج التالي:
اتصل فيي ما معي رصيد
و عندي امتحان
مش آدره أروح أشتري بطاءة.
4. لو تسألها عن أحلى سنين بحياتها
رح تحكيلك: ما بين 19 و23.
(و بتشرحلك كيف كانت حلوة و مجننة شباب الجامعة و كيف كلهم بركضوا وراها
و هي ما كانت تعبرهم).
5. الشاطرة اللي بدها تقهر صاحباتها
بترن عل 1234
و بتنزل عرط و تخويث
و على آه حبيبي
و شو حياتي
و i miss u يا عمري
و بشوفك يا baby‏.
6. كلهم أخدوا رخصة السواقة بالواسطة.
(و أكيد هذا واضح من البريكات و الخبط أو السرعة اللي ما بتطلع عن 20
أو حزام الأمان اللي بروح ما ينمزع‎ ‎قد ما هو مشدود).
7. بالجامعة بتطلب ساندوش لبنة.
(دايماً لبنة و إذا بدها تغير بتطلب منئوشة زعتر
و الكولا دايت طبعا
بس ترجع على البيت بتقوم بصدر المنسف لحالها
والله بوكلونا على جوع).
8. إذا حاولت تمسك إيدها بعد شهرين صحبة بتسلخك كف بتعمي ضوك
و مش بعيد تبزق عليك قدام كل الجامعة
بس إذا لقيتها "صدفة" بعرس ابن خالة عم أمها، بتضلكوا على البست للصبح
و بتشبكوا على الدبكة
و أعطيني
هوارة أبو الحلاني
و روح.
(للصبح رقص سلو
على أساس فريندز طبعا").
9. كلهم بابا بحبهم أكتر وحدة بين إخواتها
و هي و بابا زي الصحاب
و بابا بوخد رأيها بكل شي.
10. أكره شي عليهم يشوفوك بتحضر مباراة
بمعنى آخر أكتر شي بكرهوه كرة القدم.
(إلا إذا المباراة فيها
إيطاليا أو إنجلترا
بتلاقيهم قعدوا و بسطوا
يبصبصوا على إجرين مالديني و بيكهام
بهاي معهم حق، يعني بصراحة مالديني منظر
و حسونة الشيخ منظر).
11. مريحين بالهم
و تنحصر اهتماماتهم في المواضيع التالية:
روجيم: لازم أنزل كمان خمسة كيلو
حومرة و بودرة: نزلوا حومرة جديدة بطعم الكيوي
أووولتك أسشور شعري
ولا أعمله كيرلي
الأكل: ماما طبخت جاجة محشية تفاح
و ما بتغدوا غير ستيك مشوي
و ما بشربوا غير مي
الفن: ما أزكاه Brad Pitt
رايان شعره بجنن
شفتي أصالة ما أزنخها
مش ألتلك إنه بشار بحب سلمى
شفتي صندل نانسي
أحمد الشريف أحلى واحد بالعالم
لون بشرة إليسا واو
حضرتي كليب جاد شويري ما أفيعوا؟
مو معئولة هالشاكيرا!.
12. كلهم ما بدخنوا
بس بابا سمحلهم يأرجلوا عادي.
13. عندهم حالة تشابه غريبة:
إذا وحدة عملت تاتو تاني يوم كل البنات تاتو
إذا وحدة حطت خلخال تاني يوم كل البنات خلاخيل
إذا وحدة صبغت شعرها أخضر تاني يوم بتنزلك موضة الأخضر.
14. مواصفات حبيب القلب:
فايع و شعره طويل
معه سيارة حلوة
موبايله آخر موديل
يعزمها كل يوم على كوفي شوب
و إذا بشبه توم كروز بكون ممتاز.
15. بتكون أطفش من حكيها ما في
كله قال و غاد و انداري
و بديش و قرفانة
بالجامعة بتقلب آل و هناك
و مو عارفة و thank u‏
و كتير زهئانة.
16. دايماً" شنتتهم مليانة أشياء زاكية، إذا جعت بتلاقي معاهم السيفوي بالشنتة
شبس، شوكلاتة، بسكوت، دروبس، علكة، سوس.
Question معلش عدنا وزودنا عليه Exclamation Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بنات جامعات الاردن اولا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مُنْتَدَيات طُلابْ الجَامِعاتْ الأردُنِية :: منتديات التقنية الحديثة :: منتدى التصميم-
انتقل الى: