موضوع: تـــــعاطفا مع غزة الإثنين 26 مايو 2008 - 2:38
تعاطفا مع عزة
فى دهاليز ذلك البيت القديم وفى سرداب قديم أثرى يعلوه خيوط العنكبوت جلست وحدى أبكى حظى العاثر وخطوبتى الفاشلة أهئ أهئ..منك لله ياأبوتريكة ..الله يخرب بيتك يازيدان ..حسبى الله ونعم الوكيل فيك ياحسنى ياعبد ربه ثم مددت يدى الى فانوس قديم بجوارى وبعزم ماعندى رزعته فى الحيط صارخا:دااااااااااااااام يوووووووووووووو ولكن الفانوس تهشم وخرج منه دخان كثيف سرعان ماتجسد فى صورة شئ مخيف أشبه بالعفاريت هاتفا :أنته عبيط ياض أنته والا إيه..حد يعمل كده..الناس تدعك الفانوس..تنفض الفانوس ..مش تهبده الهابده دى أفرض أتعورت..أفرض كنت محبوس أنا والعفاريت عيالى..حد يعمل كده..ده أنتو جيل مهبب..الله يرحمك ياأسماعيل ياسين..أتزفت قول طلباتك أنا عايز أبقى زى أبو تريكة أبو مين يأخويا تريييييييييييكة..أنا من يوم كأس الأمم وأنا خطيبتى قلبت عليه..شوف أبوتريكة حريف أزاى..شوف زيدان عامل راسه أزاى ..شوف سونج جته إزاى ..النسوان مخها اتهبش أنته هتقولى ع النسوان ....دول يعفرتوا العفريت وآخر المتمه تقولى أبوتريكة لابس تشيرت على أسم مراته...حتى بالأماره أسمه عزة...حلفتلها ميت يمين أن دى غزة..ودى مدينة فى فلسطين..لكن هى دماغها جزمة..ولازم أنا كمان أبقى لعيب وأجيب جون..وأرفع التى شيرت بأسمها الله يخرب بيت الحريم على دماغهم...حاضر ياسيدى..أنا هو أديك غانا تلعب..وهأخليك أحرف من أبوتريكة بتاعكوا ده فتحت عينى لقيتنى قاعد ع الدكه في استاد غانا والكابتن حمادة صدقى على ايدى اليمين والكابتن شوقى غريب قاعد على ايدى الشمال انا مش مصدق نفسى يعنى انا هلعب فى ماتش النهائى مع مصر... العفريت ده طلع واصل صحيح... كابتن شوقى: ورينا الهمه يا كابتن براوى كابتن شحاته طلع متعب عشان يلعبك وقطع حوارنا صوت كابتن شحاته قوم سخن يابراوى وربنا دى اخر مره اخلى متعب ينزل فى التشكيله الاساسيه..... وطلع متعب من غير ميقول ليه...واول حاجه عملها انه راح وباس ايد كابتن شحاته ....انا مش عارف ليه.. ونزلت الملعب والجماهير كلها بتهتف براوىأهوو براوىأهوأهو مع انهم اول مره يشفونى لكن البركه ف العفريت .... اناكنت حاسس انى احرف واحد ف العالم ..كل الناس عرفانى وكل البنات حبانى ... انا بدات احس انى بقيت معووج ..انا اعظم لاعب ف المجموعه الشمسيه ..اناجدع ...انا بطل قومى انا ثروة للبلد انا انا انا وسونج وزيدان وسونج وزيدان وسونج وزيدان هي خطيرة وسونج وصعبة وامكانية وجول وجووووووووول براوى جووووول براوى براوى..واحد صفر الفراعنة المصريين هم الابطال واحد صفر من النجم براوى أرقص يابراوى...أفرح يابراوى...براوى يقترب من الكاميرا..براوى يرفع التى شيرت براوى يكتب: تعاااااااااااااااااااااطفاااااااامع فايزة
التوقيع : __________________ يالعين ما نحسابه العزيز باعنى وسكر عليا بابه بعد رفقته عامين يالعين ما نبيه ولا عاد بنجبد فى دوتى طاريه يالعين شدى العزم واللى نساك انسيه اللى باعك برخيص بيعه النهابه نحسابه للقلب هو غاليه ***طلع خاين ويضحك على احبابه ويبيع الدوا للى ما يبيه ***ونا خاطري مجروح وشاد على اعصابه ايعيب عليا والعيب كله فيه*** واليوم الذيب كشر على انيابه وناره كوتنى ونارى توا فيه*** والبادى اظلم قال الله فى كتابه
الملاك شخصية مهمة
عدد الرسائل : 73 مكان الإقامة : الاردن تاريخ التسجيل : 24/04/2008
موضوع: رد: تـــــعاطفا مع غزة الأربعاء 28 مايو 2008 - 18:56
هههههههههههههههههههههههههههههه
يوسف حلوه الحكايه بجد
بس مين فايزه هههههههههههههههههه
يوسف حسان شعيب طالب نشيط
عدد الرسائل : 117 العمر : 40 مكان الإقامة : عربى مسلم تاريخ التسجيل : 18/05/2008
موضوع: تـــــعاطفا مع غزة 
الإثنين 26 مايو 2008 - 2:38
