قصة بيت ابو علي

السلام عليكم ورحمه الله


" احداث هذه القصه .... في احد الايام ..... في احدى البيوت الفلسطينيه.....في احدى القرى الفلسطينيه

في احدى المدن الفلسطينيه .....في فلسطين المحتله "

(1)

يستيقظ علي وقد عبء القذا عينيه... حتى اصبحتا قطعه واحد....





ام علي: قوم...يالله صحصيح....يييييييه على هالجيل.....كوم كرفتني....

ولك ليش هيك ريحتك .....شو هاد ..عاملها تحتك....يييي على حظي...ولك صرت

بصف الثالث.....

علي: يييييييي...يما بربك ما تكولي لحدا !!! يما والله حلمت حلمه مش منيحه

ام علي: خير والصلى عالنبي شو حلمت....

علي : حلمت كال يما !!! يما همه اليهود الرصاص اللي معهم بيخللص؟؟؟

ام علي : وانا شو بيعرفني...كالولك عنني ...شاؤول مفراز!!!

علي : يما حلمت انهم بطخطخوا ...على دارنا ...وشباب المقاومه اجو عننا....

ام علي : اسكت ... اسكت .. بدك تخلينا ننحبس انت .... كوم على مدرستك..

والله ما اني عارفه الاكيها منك...والا من اللي خلفك ....
علي : طب .... بقدر اسألك شغله بس؟؟

ام علي : لا الااااااه الا هووووو..... وبعدين .. كوم بدي الحيك اغسل الشراشف...

علي : بحياه امك ... اسا كم جندي بدنا لنحرر فلسطين....

ام علي : كثير بدنا....

علي : كديش يعني؟؟؟ 200 واحد......

ام علي : لالالا شو 200 شو بدهم يعملو الميتين.... والله والعلم عند الله...

بدنا ابو 1000 واحد.... هيك يعني بحدود الهلقد .....
علي: طب .. بكولو العرب كتار..... ليش ما بيجو عننا....

ام علي: يجوو وين ..... احنا باليهوود.... ويادوب للزيينا حالنا بالكرته....

ليجو العرب وين نروح ..... والا اقوللك..... خليهم ييجوو... والله مشتهيه

اشوف مصري ...او مغربي... او سوداني ... او لبناني .. بكولو عنهم حلوين

ومسكفين " مثقفين " ....
علي : يارب ... يارب .. بكره احلم انه ربحنا لحتى افرح...

ام علي : لا يا حبيبي ... لحتى ما اغسل كل يوم شراشفك.....

مع سلامات عائله ابو علي







(2)


يجلس ابو علي في احدى الامسيات ....ليشاهد التلفاز ويقلب بالقنوات .....

بعد ان تابع قناه الجزيره 3 ساعات متواصله....دون ان يرمش حتى....



ابو علي: هااااي يا ام علي ....

ام علي : شو !!! ليش بتصرخ..... خير خير.....

ابو علي: وك يا مره اشي بيحط العكل بالكف...... بكوللك احتمال يضموا الضفه

للاردن!!!! يعني بيت لحم ونابلس وجنين ورام الله.....

ام علي: طب شو اسوي انا ..... مناديني لتكوللي هالحكي اللي بيكهر

ليش.؟؟؟؟؟؟

ابو علي: وك"ولك" ... مش سامعه شو بكوللك ؟؟؟ بدنا نصير تحت حكم الاردن.....

ام علي: هالكيت تحت حكم الاردن..... تحت حكم السودان ..... بدي ابني

يعيش

زي المخاليك " العالم "..... مش ابنك كل يوم وطالعللي بفكره جديده... مره بدو يعمل

نوكيفه"لا ادري ما الترجمه العربيه " كال شو !!! يراشك فيها حجار.... ومره بدو يعمل دبابه من

سياره جارنا...... واخر اشي كرر ابنك بدو يخطف اومرت..... ويهدد اليهود اذا ما بيطلعو

يطخوو..... انا بكوللك الله ما طعمنا غيرو ومش مستعده اخسرو....



ابو علي: يا مره هاد حكي زغار.... بس لو صرنا تحت حكم الاردن ... اهلنا اللي بالكدس"القدس"

كرايبنا وك بصير بدنا جواز... لنفوت الكدس ونزورهم......

ام علي : ههه ههه ههه.... ظحكتني وانا مش جاي عبالي اظحك...... اول

اشي الزغار بيكبرو

واللي براسهم بيكبر معهم....ثاني اشي ليش يا حبيبي اللي بيسمعك بكول... بتصلي الظهر

بالاقصى والعصر بالمسجد المرواني.... وك يا عمي ما انت بتروح عالشغل تهريب....

بتبكى تنطنط من بين الشجرات خوف يمسكوك الجنود...... وتنط عالصور ... لحتى تروح

تفتش على شغله تدهن ..والا تبلط ..والا تناقل حتى طوب..... وبتكوللي جواز ... عالاكل" الاقل"

لو بيطلعلنا جواز احتمال نفوت الاكصى ... ونصله ونصللي فيه من دون خوف كثير....

اسمع هيني بكوللك ... اذا صار ما صار اصحى تتدخل وتكول بدناش الاردن... وتذبحك

الوطنيه .....



والا اكوللك اطفي اطفي لهالتلفزيون وفوت احكي مع ابنك...شوف اي
طريكه نقى ليحرر فلسطين ......





مع محبة عائله ابو علي....


Jenan

ههههههههههههههههههههههههههههههههههههه

وانا عندي خريفه بس خايفه اخرفها تطير الطشه

خرفي ولا يهمك ومش حتطير الطشة

قموره

بلاش من خريفاتك لانها مخرفنه زيك


الشوق الف شكر